متى اخر مره دعوت اختك على مطعم؟؟ أو فكرت بالجلوس معها هل ستكون الاجابه..بالامس؟؟ منذ شهر منذ سنه لم ادعوها في حياتي ابدا ..!!! تختلف إجابتكم .. من شخص لاخر لكن هل سألت نفسك .. ماهي ردت فعلها لو جربت ودعوتها أو أعطيتها جزء من وقتك مالاثر الذي ستركه في قلبها . فجميعنا يعلم أن الأخت تحب أن يكون لها أخ ترى منه الإهتمام والعطف والحنان فماذا لو افرحت قلب اختك بدعوة الى مطعم أو جلست وتجاذبت معها أطراف الحديث ، فأنت تحكي لها قصة وهي تحكي لك ... ربما تقول .. مشغول؟ مش فاضي لها ولو كان احد اصدقائك لقدمت له عينيك .. ان لم تكن فاضيا لها كما تزعم .. فمن الذي سيفضى لها؟؟ أتريدها ان تبحث عن رجل اخر غيرك.. ؟؟؟ ولو بحثت ستجد !!! نعم ستجد تلك الذئاب التي ستعطيها مالم تجده عندك فلتحاولو جميعا أن تعطو أخواتكم شيئاً من وقتكم خللو بالكوا من اخواتكم ياجماعه ..اتكلموا معاهم ناقشوهم..حسسوهم بالامان .. فهل يستحقوا ذلك أم لا ? وأنتوا يا بنات ما سيكون إحساسكم عندما تجدن لفتة إهتمام كهذه من إخواتكم?
Re: امتي اخر مره قعدت مع اختك؟؟؟! موضوع رااااااااااااااااااااااااااااائع ولفتة ممتازة جزاك الله خير يا دكتور اخويا ربنا يخليهولي يااااااااااااااااااااارب دايما جنبي وبنقعد مع بعض كتير ونتكل في كل حاجة
Re: امتي اخر مره قعدت مع اختك؟؟؟! اولا انا هعلق علي العنوان اللي مكتوب تحت اسم حضرتك enemy of the women مش اختك برضه ضمن women يبقي ازاي حضرتك بتدعي لحاجه زي كده وانت دا شعارك يا دكتور نشوف نفسنا الاول وبعدين ننصح الناس ها مش كده ولا ايه
Re: امتي اخر مره قعدت مع اختك؟؟؟! حضرتك خلط الامور ببعضها انا بتكلم عن موضوع مهم لازم نعمله عشان في النهايه منوصلش لمرحله اننا كلنا نعلن شعار enemy of the women نتيجة اننا بضيع اخواتنا وبعد كدا نرجع نبكي على اللبن المسكوب...يعني العلاقه بين الجمله والموضوع علاقة سبب ونتيجه ....ومفيش بينهم اي تعارض ...وعلى فكره انا معنديش اخوات بنات...بس من خلال اللي انا شوفته عملت الموضوع ده... شكرا لمرورك الكريم يادكتور..
Re: امتي اخر مره قعدت مع اختك؟؟؟! احييك على كلامك ده بجد اخواتنا البنات بيبقوا محتاجين مننا شوية اهتمام ولو صغير يحسوا بيه اننا لسه موجودين فى حياتهم مش كلام وبس انا كنت سلبى اوى زمان تجاه اختى بس من كام سنه غيرت كل ده والحمد لله دلوقتى هى من اقرب الناس ليا كصديقه قبل اخت وانا كمان ومش بتقدر تنام حالا مخبيه عنى حاجه انا فعلا حسيت بالفرق بعد ما كسرت حواجز كانت ما بينا موضوع جميل وكلمات اجمل
Re: امتي اخر مره قعدت مع اختك؟؟؟! شكرا لكلام حضرتك الرائع فعلا من اسعد الاوقات اللي تتحسب في حياتي الاوقات اللي بخرج فيها مع اخويا لما ينزل يشتري لبس ويقولي تعالي اختاريلي ولما بيعزمني على السينما وبعدها ننزل نتعشى ونتمشى ونرجع قرب الصبح ههههه ياااه بجد ببقا طايره بيه وفخورة بيه جدا مع انه اصغر مني بس بحس بالانتماء ليه وانه يقدر يحميني واخر مره من يومين بس ربنا يخليهولي لما كنت مدايقه وبعيط اخدني لحد اوضتي وفضل يتكلم معايا لحد ما ارتحت الحمد لله بجد من غيره في الموقف ده يمكن كنت اتصرفت بطريقه مجنونه
Re: امتي اخر مره قعدت مع اختك؟؟؟! الله عليك يا دكتور وحشتنا المواضيع الرائعة في الموقع هلأ حابة اقول شي في البداية انه مش عيب انك تكسب اختك وتحسسها بالامان ومش هتخس من رجولتك حاجة !!! ليّا تجربة حلوة بالموضوع دا الاخ بطبيعته بيخجل يعبر عن مشاعره تجاه اخته بكل صراحة انا ابتديت اعبر عن مشاعري تجاه اخواني الشباب وشوي شوي تلاقي الامر بسيط اخوكي هيكون اجرأ انه يعبرلك عن مشاعره . انا واخواني علاقتنا بجد رائعة ربنا يخليهم ليّا عندي اخ ليّا سنه قريب من سني بجد الحظات اللي بنخرج فيها سوا وبنمزح فيها من اجمل لحظات عمري
